സുന്ദരമായ ചുണ്ടുകൾ സ്വന്തമാക്കാൻ...?

സുന്ദരമായ ചുണ്ടുകളാണ്‌ മുഖത്തിന്റെ സൗന്ദര്യം. ആ ചുണ്ടുകള്‍ ഇളം റോസ്‌ നിറമാണെങ്കില്‍ പറയുകയും വേണ്ട, അസുന്ദരമായ ചുണ്ടുകളാണ്‌ മുഖത്തിന്റെ സൗന്ദര്യം. ആ ചുണ്ടുകള്‍ ഇളം റോസ്‌ നിറമാണെങ്കില്‍ പറയുകയും വേണ്ട, അത്രയ്‌ക്ക് മനോഹരമായിരിക്കും. പലരുടെയും പ്രശ്‌നം ചുണ്ടുകള്‍ക്ക്‌ നിറം ഇല്ല എന്നതാണ്‌. എന്നാല്‍ അല്‍പ്പം ശ്രദ്ധിച്ചാല്‍ ഇതിന്‌ പരിഹാരം കാണാന്‍ കഴിയും.ചുണ്ടുകളുടെ സൗന്ദര്യത്തെ ബാധിക്കുന്ന ചില പ്രശ്‌നങ്ങളാണ് വരണ്ട ചുണ്ടുകള്‍, നിറം മങ്ങിയ ചുണ്ടുകള്‍ , രക്തപ്രസാദമില്ലാത്ത ചുണ്ടകള്‍ എന്നിവ. കുറച്ച് ശ്രദ്ധ നല്‍കിയാല്‍ ഈ പ്രശ്‌നങ്ങള്‍ എല്ലാം പരിഹരിക്കാന്‍ കഴിയുന്നതാണ്.

1. വെയിലത്ത് ഇറങ്ങുന്നതിന് മുമ്പ് ചുണ്ടില്‍ നെയ്യ് പുരട്ടുന്നത് വരണ്ടു പൊട്ടാതിരിക്കാന്‍ സഹായിക്കും.

2 . വരണ്ട ചുണ്ടുകള്‍ മാറുവാന്‍ വെള്ളരി, തക്കാളി, കറ്റാര്‍ വാഴ പള്‍പ്പ് എന്നിവ ഏതെങ്കിലും കൊണ്ട് മസാജ് ചെയ്യാവുന്നതാണ്.

3 . ബീറ്റ്‌റൂട്ട്‌ തേനില്‍ ചാലിച്ച്‌ കിടക്കുന്നതിന്‌ മുമ്പ്‌ ചുണ്ടില്‍ പുരട്ടിയാല്‍ ചുണ്ടുകള്‍ തുടുക്കുകയും നിറം വയ്‌ക്കുകയും ചെയ്യും.

4. പനിനീരും ഗ്ലിസറിനും ചേര്‍ത്ത്‌ കിടക്കുന്നതിന്‌ മുമ്പ്‌ ചുണ്ടുകളില്‍ പുരട്ടുക.

5 . ചുണ്ടില്‍ നറു നെയ്യ്‌ പുരട്ടുന്നത്‌ മൃദുലതയും ഭംഗിയും വര്‍ധിപ്പിക്കും.

6 . ബദാം ഓയില്‍ ഉപയോഗിച്ച്‌ മസാജ്‌ ചെയ്യുന്നത്‌ ചുണ്ടിന്‌ ഭംഗി നല്‍കും.

7 . വെള്ളം കുടിക്കുന്നതും ചുണ്ടുകളുടെ സൗന്ദര്യം വര്‍ധിപ്പിക്കും.

8 . ഒരു തുള്ളി നാരങ്ങ നീരും രണ്ട്‌ തുള്ളി തേനും ചേര്‍ത്ത്‌ ചുണ്ടില്‍ പുരട്ടുന്നത്‌ നല്ലതാണ്‌.

9 . വേനല്‍കാലത്ത്‌ ചുണ്ടുകളെ പരിചരിക്കാന്‍ വെളിച്ചെണ്ണയില്‍ തേന്‍ ചേര്‍ത്ത്‌ പുരട്ടുക.

10 . തക്കാളിയുടെ നീരില്‍ വെളിച്ചെണ്ണ ചേര്‍ത്ത്‌ പുരട്ടുന്നത്‌ നന്നായിരിക്കും.

11 . മാതളനാരങ്ങയുടെ നീരില്‍ നെയ്യ്‌ ചേര്‍ത്ത്‌ പുരട്ടുക.

12 . കാപ്പിയുടെ അളവ്‌ കുറയ്‌ക്കുക.

13 . എണ്ണയില്‍ പഞ്ചസാര ചേര്‍ത്ത്‌ ചുണ്ടുകളില്‍ മസാജ്‌ ചെയ്‌താല്‍ മൃദുലമാകും.

14 . ചുണ്ട്‌ കടിക്കുന്ന ശീലം ഉപേക്ഷിക്കുക. ഇത്‌ ചുണ്ടിന്റെ ഭംഗി നഷ്‌ട്ടപ്പെടുത്തും.

15 . പനിനീര്‍ റോസിന്റെ ഇതളുകള്‍ നെയ്യില്‍ ചാലിച്ച്‌ ചുണ്ടില്‍ പുരട്ടുക. നിറവും മൃദുലതയും ലഭിക്കും.